МОЛИТВИ ПРО МИР В УКРАЇНІ

Боже Святий, Отче Вседержителю, Сине Єдинородний і Душе Святий, що все у Твоїй владі тримаєш і про все піклуєшся Премудрим Твоїм Промислом, молимося Тобі за Богом бережену Державу нашу Україну, боголюбивий народ, владу і військо її, даруй їм, Господи, глибокий і невід’ємний мир, поклади їм на серце добре про Церкву Твою та про всіх людей Твоїх, щоб і ми в тиші і чистоті проводили життя наше у всякому благочесті і чеснотах.

 

Позбав, Господи, Державу нашу від голоду, мору, землетрусу, потопу, вогню, меча, нашестя іноплеменних і розбрату. Родини в мирі і любові збережи, дітей виховай, молодь навчи, старість підтримай, подорожуючим сподорожуй, вбогих захисти, недужних зціли, тих, що за ґратами, згадай, розпорошених збери, спокушених наверни і з’єднай зі Святою Твоєю соборною і апостольською Церквою. Бо Твоє є Царство і сила і слава Отця і Сина і Святого Духа нині і повсякчас і на віки віків. Амінь.


МОЛИТВА ЗА ОТЕЧЕСТВО

О, Святы́й Влады́ко и Го́споди, Сокро́вище благи́х и жи́зни Пода́телю, Тво́рче не́ба и земли́, ви́димым же всем и неви́димым! При́зри ми́лостивно на лю́ди оте́чества на́шего, ко́их от лет дре́вних в днепро́вских вода́х сотвори́л еси́ в достоя́ние Себе́ Еди́ному И́стинному Бо́гу и Влады́це, явля́я наро́д свят, во благоче́стии и и́стенней ве́ре воспита́н, прине́сший Тебе́ досто́ин пло́д святы́х твои́х многразли́чными по́двигами жития́ своего́ на земли́ сей Твое́ Трисвято́е И́мя просла́вивших и ны́не с го́рними си́лами на небеси́ ту́южде хвалу́ Тебе́ принося́щих. Ве́мы, Царю́ Святы́й, яко дре́вний Изра́иль, мно́гажды любо́вь Твою́ преогорча́л еси́ и от того́ мно́гими скорбми́ обреме́н был еси́. Но и ны́не не оста́ви наро́ды украи́нския держа́вы на́шея в ско́рби и обстоя́нии бы́ти и расхища́емы от ра́спрей же и междуусо́бий, но все́х соедини́ у́зами любве́ твоея́; Обнови́ в серца́х на́ших бо́льшую за́поведь твою́, е́же люби́те Тебе́ Еди́ного И́стинного Бо́га и бли́жнего своего́ я́ко сам себе́, пошли́ лю́дем оте́чества на́шего ду́ха и́стиннаго покая́ния и стра́хом твои́м святы́м их огради́, да тем ми́лость твою́ улуча́т и поживу́т в ми́ре и благоде́нствии, прославля́я твое́ человеколю́бие и велича́я твое́ Пресвято́е И́мя Отца́ и Сы́на и Свята́го Ду́ха всегда́ ны́не и при́сно и во ве́ки веко́в. Ами́нь!

*       *       *

Особливі прохання

НА СУГУБІЙ ЄКТЕНІЇ

Еще молимся Господу Богу нашему о еже вси распри, раздоры, разделения, вражду и злобу всеконечно в державе нашей истребити, тишину же народу нашему даровати и миром вожделенным нас оградити, рцем вси: Господи, услыши и милостивно помилуй.

О еже милостивым оком призрети на люди земли Украинския и сотворити ю непреобориму от распри творящих, молим Тя, Милосердый Господи, услыши и помилуй.

О еже просветити светом Своего богоразумия мысли ожесточением помраченных, верных же Своих в стране Украинстей укрепити и невредимых соблюсти, молим Тя, Всесильный Творче, услыши и помилуй.

Давый заповедь Твою нам, еже любити Тебе Бога нашего и ближняго своего, сотвори, да ненависти, вражды, обиды, мздоимства, кровопролития и прочая беззакония прекратятся, истинная же любовь да царствует в людех земли украинския, молим Ти ся, Спасителю наш, услыши и милостивно помилуй.

далі МОЛИТВА

Всевышний Боже, Владыко и Содетелю всея твари, наполняяй вся величеством Твоим и содержай силою Твоею.

К Тебе Великодаровитому Господу нашему припадаем, сердцем сокрушенным и усердною молитвою о стране Украинстей, распрями и нестроениями раздираемей.

Премилосердый и Всесильный, не до конца гневайся, Господи! Буди милостив нам, молит Тя Твоя Церковь, представляющи Тебе начальника и совершителя спасения нашего Иисуса Христа. Укрепи силою Твоею верныя люди в стране Украинстей, заблуждающим же просвети разумныя очи светом Твоим божественным, да уразумеют Твою истину, умягчи их ожесточение, утоли вражды и нестроения на страну и мирныя люди ея воздвизаемая, да все познают Тебе, Господа и Спасителя нашего. Не отврати лица Твоего от нас, Господи, воздаждь нам радость спасения Твоего. Помяни милости, яже показал еси отцем нашим, преложи гнев Твой на милосердие и даждь помощь Твою народу украинскому, в скорби сущему.

Молит Тя Церковь Русская, представляющи Тебе ходатайство всех святых в ней просиявших, изряднее же Пресвятыя Богородицы и Приснодевы Марии, от лет древних покрывающия и заступающия страны наша. Возгрей сердца наша теплотою благодати Твоея, утверди волю нашу в воли Твоей, да якоже древле, тако и ныне прославится всесвятое имя Твое, Отца и Сына и Святаго Духа, во веки веков.

Аминь.

інша МОЛИТВА на Божественній Літургії

Владыко Вседержителю, Святый Царю. Призри с небесе и виждь, како враждуют людие земли нашея и замышляют друг на друга суетное и злобное. О, Многомилостиве! Прости грехи и беззакония наша, ихже ради многия скорби, беды и устрашения приидоша на ны. Благодатию Пресвятаго Духа ороси любовию изсохшия сердца людския, тернием самолюбия, ненависти, зависти, злобы, вражды, лукавства и иных беззаконий поросшия, да возрастят горящую к Тебе и братиям своим любовь, и ею да будут истреблены вси распри, раздоры, разделения во Отечестве нашем. Усердно молим Тя: мир державе нашей даруй, Церкви Твоей и всем людем земли нашея. Ты бо еси Царь мира и мира Твоего несть предела и Тебе слава и благодарение и поклонение от всех да возсылается, ныне и присно и во веки веков.

Молитва о прекращении междоусобныя брани на Божественной литургии

по сугубой ектении чтомая

Господи Иисусе Христе Боже наш, призри милостивным Твоим оком на скорбь и многоболезненный вопль чад Твоих, в земле украинстей сущих.

Избави люди Твоя от междоусобныя брани, утоли кровопролития, отврати належащия беды. Лишенныя крова введи в домы, алчущия напитай, плачущия утеши, разделенныя совокупи.

Не остави стадо Свое, от сродник своих во озлоблении сущих, умалитися, но скорое примирение яко щедр даруй. Ожесточенных сердца умягчи и к Твоему познанию обрати. Мир Церкви Твоей и верным чадам ея подаждь, да единем сердцем и едиными усты прославим Тя, Господа и Спасителя нашего во веки веков. Аминь.

НА ЗАУПОКІЙНІЙ ЄКТЕНІЇ

Еще молимся о упокоении душ усопших рабов Божиих в братоубийственной смуте на Украине убиенных и о еже проститися им всякому прегрешению, вольному же и невольному.

Залишити відповідь

Войти с помощью: 

Ваша e-mail адреса не оприлюднюватиметься. Обов’язкові поля позначені *

Цей сайт використовує Akismet для зменшення спаму. Дізнайтеся, як обробляються ваші дані коментарів.